ZAMONAVIY MOUSHN-GRAFIKA DASTURLARI

Abstract

Kompyuter grafikasi shu vaqtgacha zamonaviy vizual madaniyatning bir qismiga aylanib ulgurdi. U media, marketing, ta’lim, video o’yinlar kabi auditoriyasi katta sohalarda faol qo’llanilib kelinmoqda. Media sohasi tovush bilan birga harakatlanuvchi vizual tasvirlar orqali haqiqiy harakatni ekranda aks ettirishga qodir. Marketingning ham eng perspektiv va tez rivojlanayotgan kanallaridan biri sifatida vizual tilni aytib o’tish kerak. Vizual til bir vaqtning o’zida ma’lumotni to’g’ridan-to’g’ri yetkazib, tomoshabin e’tiborini jalb qila oladi. Shu sababli, vizual ko’rinish murakkab ma’lumotlarni tezda tushunish va qabul qilish imkonini, shuningdek, g’oyani ulashish va e’tiborni jamlashga yordam beradi. Ushbu tendentsiya tufayli dizayndagi yangi faoliyat sohasi - moushn dizayni shakllandi.